Gwamnatin Ondo za ta kashe Naira miliyan 900 kan motocin bus masu amfani da lantarki

Daga: Hauwa'u Maikudi

Gwamnatin Jihar Ondo ta shirya kashe Naira miliyan 900 wajen samar da motocin bus masu amfani da lantarki da wuraren cajinsu, domin rage kuɗin sufuri da sauƙaƙa zirga-zirgar al’umma.

Shirin zai fara da motocin bas guda biyar, tare da kafa wuraren caji a Akure, babban birnin jihar, kafin faɗaɗa shi zuwa sauran sassan jihar.

Ana sa ran shirin zai taimaka wajen rage kuɗin sufuri da gurɓatar muhalli sakamakon amfani da motocin da ba sa amfani da man fetur.

©️ TNL Hausa